წინანდლის ფესტივალი

წინანდლის ფესტივალი ქართული არაკომერციული ფონდია. ჩვენი ძირითადი აქცენტი რეგიონში, ევროპისა და აზიის გზაჯვარედინზე, მუსიკალური ენის პოპულარიზაციაზეა.

თავისი მისიის შესასრულებლად, წინანდლის ფესტივალმა, საქართველოს მთავრობასთან და გულუხვი კერძო დონორებთან თანამშრომლობით, წინანდლის ფესტივალი ისტორიულ წინანდლის მამულში დააარსა, რომელიც კახეთის შუაგულში მდებარეობს და საერთაშორისო ჯილდოებით დაჯილდოებული ღვინოებით არის ცნობილი.

ფესტივალი წინანდალში მთელი მსოფლიოდან იზიდავს უდიდეს შემსრულებლებს, დირიჟორებს, კომპოზიტორებს, მუსიკის მეცნიერებსა და ხელოვანებს. ფესტივალის მიზანია შექმნას იშვიათი შესაძლებლობები კავკასიელი და მეზობელი ქვეყნების ახალგაზრდა მუსიკოსებისთვის, რათა შეისწავლონ მუსიკის სამყარო და გააუმჯობესონ მუსიკალური განათლება პროფესიული სემინარებისა და მასტერკლასების მეშვეობით, რომლებსაც თანამედროვე კლასიკური მუსიკის ყველაზე ცნობილი სახეები უძღვებიან.

წინანდლის ფესტივალის დამფუძნებლები არიან გიორგი რამიშვილი („სილქ როუდ ჯგუფის“ საბჭოს თავმჯდომარე), მარტინ ენგსტროემი (ცნობილი ვერბიეს ფესტივალის დამფუძნებელი) და ავი შოშანი (ვერბიეს ფესტივალის დამფუძნებელი და ისრაელის ფილარმონიული ორკესტრის გენერალური მდივანი). წინანდლის ფესტივალი თავისი პირველი გამოცემით 2019 წლის 8 სექტემბერს გაიხსნა და ყოველწლიურად გაიმართება.